تعاتبني بنظرات خفيه
وأجاملها ولا أدري وش وراها
وأجاوبها بنظرات حزينه
تعبر عن ضنى الروح وشقاها
أسايرها وأجاوب كل
نظره وأخبي الوجد وأبحث عن رضاها
قبل ماأشوفها ظنيت قلبي
دله عن سيره الحب ونساها
وعقب ماشفتها عرفت
قلبها تناساني ولاكن قلبي مانساها
غلاها يزود معى زود
الليالي وباع الناس قلبي وأشتراها
وصرت أغار أنا منها
عليها حطا نفسي وأنا أتحمل خطاها
وأغار من أمها حتى
وأبوها وأغار من اللذي بامره ولاها
وأحسد الريح الى حرك
شعرها وأحسد عيون غيري لاتراها
وأغار من القمر إلى شع
نورها خذت نور القمر وأصبح ضواها
وأحسد الشمس إذا بانت
عليها أشعلتها تسبب في أذا ها
وأحسد الأرض إذا داست
عليها أثر خطواتها تحيي ثراها
وأغار من النجوم إذا
تعلتلها وشافتها وعيني ماتراها
وأغار من الهدوم اللي
لابستها عساها ماتجرحها عساها
وأغار من الخواتم
اللي بصباعها وساعتها وكل إلي معاها
وأغار من القلاده إللي
بنحرها وأغار من الشعر لامن كساها
وأحسد أهلها لاجلسو
معها وعيني لاتراها ولا أبالغ أنا أحسد قصرها
وأغار من القصيده لين
تقراها ولو هي قصتي وأشكي جفاها
وتشمل غيرتي حتى
المرايه يحق لها بشوفتها تباها
إلا يامن يساعدني عليها
يوصلني هوى النفس ومناها
عجزت أعالج جروحي
بروحي جروح القلب ما تشفى بلاها
علاج قلبي لين يراها
ويامن يساعدني لكي أراها
في كل ثانيه أشتاق أن
أراها ولا يتحقق حلمي أن أراها
